Ovllá – Davvisámegiella

Opera ruohttasiid ohcamis ja stáhtanjunnošiid ollašuhttán soardindoaimmain sápmelaččaid vuostá 

Ovllá muitala bártnážis, gii guđđojuvvo mánnán suopmelaš skuvlii ja internáhttaeallimii – báikái, gos son oahppá dađistaga heahpanit iežas sápmelaš ruohttasiid. Iežas, eatnis oažžun dovdna váidu, identiteahtta luvvagoahtá. Sus šaddá vuogáiduhttinpolitihka gillájeaddji, gii geahččala vajálduhttit juoidá dehálaččaid: gii son lea?

Ovllá gohčču geahčči čuovvut, mot jávkan jietna sáhttá gullogoahtit ođđasit. Muitalusa hávit leat duođalaččat, muhto guovdu daid šaddá maid juogá ealli, heahkas ja čáppat.

Dát ruossalasvuohta speadjaluvvá musihkkii, mas luonddu luomus rávdnji seatná kolonialismma uhkideaddji ritmma, ortnega ja garasvuođa ráhkadusaid vuostá. Guovdu orkeastara gaskavuođa ságastallama loktanit ovdan sámi juigiid iežaset jienat, mat ovdanbuktet ovttaskas olbmo sitkatvuođa ja vuoimmi dáistalit ruovttoluotta mánnávuođas rivvejuvvon identiteahta. Seammas go duodji geahččá árpmuheamit servodatlaš ráhkadusaid ja vealaheami, de dat geahččá váibmoláđđásit ovttaskas olbmo.  Ovllá-opera lea fiktiivvalaš muitalus, muhto visot mii das dáhpáhuvvá, lea dáhpáhuvvan soapmásii Suoma, Ruoŧa, Norgga ja Ruošša bealde Sámis.

Duoji váibmosis lea guovtti árbevieru deaivvadeapmi: sápmelaččat, máŋggaid skearruid almmustuhttán artisttat ja operalávlut ráhkadit ovttas máŋggajienat lávdegova, mas historjá, muittut ja dálááigi ruossanit. Opera ja juoiganárbevieru dialoga duddjo ivdnás gealdagasvuođa – gaskkohagaid sevdnjes ivnni, muhtin bottaid geahppasa ja leaikkastalli.

Ovllá čállá sápmelaš čájálmasgirječálli Juho-Sire/Siri Broch Johansen, nuohta bidjá Cecilia Damström ja bagadallá Oulu teáhtera bagadalli Heta Haanperä. Opera orkeastarin doaibmá Oulu Sinfoniija ja kapeallameašttirin Oulu Sinfoniija njunuškapeallameašttir Rumon Gamba ja Luosto soi! -festivála dáiddalaš jođiheaddji Aku Sorensen.

Cecilia Damström bidjá nuohta musihkkii lávga ovttasbarggus sámi musihkkariiguin. Sámi musihkkariid nuohtaid bidjan luođit suddet nuhttii guovddáš oassin gudnejahttimiin sámiid kulturárbbi ja botnet sin jienaid duojis oktasaš musihkalaš ovdanbuktojupmin.

Produkšuvnna guossástalli plánejeaddjin leat sápmelaš dáiddárat: lávdehábmejeaddjin Geir Tore Holm, gárvodanplánejeaddjin Bihtošoabbá Helme/Helmi Hagelin, čuovgaplánejeaddjin Øystein Heitmann ja koreográfan Auri Ahola. Opera jietnaplánema ovddasvástádus lea Oulu teáhtera Jari Niemis. Váldorollas lea Emil Kárlsen.

Opera ovdanbuktingiella leat davvisámegiella ja suomagiela. Duodji dekstejuvvo suoma-, davvisáme- ja eŋgelasgillii. Opera lea diŋgonduodji, ja dat ollahuhttojuvvo ovttasráđiid Oulu Sinfoniijain, Sámi našunalateáhter Beaivvážiin ja Oulu2026:in. Operai lea ožžojuvvon Suoma Kulturruhtarádjosa ruhtadeapmi.

Oulu lea Eurohpa kulturoaivegávpot jagi 2026. Ovllá lea Oulu2026-kulturprográmma ja kulturdálkkádatrievdama oassi, ja dat rahpá Oulu Eurohpa kulturoaivegávpogajagi 2026.

Dramatihkkár Juho-Sire/Siri Broch Johansen 

Juho-Sire/Siri Broch Johansen (r. 1967) lea sápmelaš dramatihkkár, girječálli, lávlladahkki ja aktivista. Son lea teáhterdáidaga magisttar ja bargá váldoáššis dramatihkkárin. Broch Johansen lea vuoitán guktii Sámiráđi girjjálašvuođabálkkašumi iežas nuoraidrománaiguin. Son lea čállán esseagirjji Kirjeitä komissiolle (2020), mas son vuojui fáttáide, mat bokte duohtavuođa- ja soabadankommišuvnnas ruossalasvuođaid. 
 

Šuokŋadahkki Cecilia Damström  

Cecilia Damström (r.1988) lea ovdánan Suoma beakkánamos šuokŋadahkkiid jovkui ja máŋggat suopmelaš sinfoniijaorkeastarat ja festiválat leat ovdanbuktán su musihka. Sus lea attáldat ja hállu váldit iežas šuokŋa komposišuvnnaiguin beali servodatlaš fáttáide ja nana dramaturgiija áddejupmi. Son vuittii jagi 2018 Jagi mánáidopera –bálkkašumi iežas Dumma Kungen –operain ja komponerii šuoŋa seamma jagi Suoma Álbmotoperai vuosttas ruoŧagielat skuvlalašopera Djurens planet. Damström studerii šuoŋaid komponerema Tampere ámmátallaskuvllas ja Malmö musihkkaakademiijas. Damström vuittii Teosto-bálkkašumi jagi 2022 iežas orkeastardáiddadujiin ICE ja su orkeastardáiddaduodji Extinctions lei evttohassan Davviriikkaid ráđi musihkkabálkkašupmái 2024. 

Info

Vuosttaseahket 16.1.2026 
Stuorra lávdi  
Bileahtta 
A-kategoriija 93 € / 88 €/ 79 € 
B-kategoriija 88 € / 83 € / 75 € 
C-kategoriija 83 € / 78 € / 71 € 

Giella: davvisámegiella, suomagiella 
Tekstejuvvo suomagillii, davvisámegilii, eŋgelasgillii 
 
Šuokŋadahkki: Cecilia Damström  
Luđiid nuohtaid bidjan: Emil Kárlsen
Libretto: Juho-Sire/Siri Broch Johansen   
Bagadalli: Heta Haanperä  
Kapeallameašttir: Rumon Gamba 
Veahkkekapeallameašttir: Aku Sorensen 
Orkeastar: Oulu Sinfoniija 
Lávdehábmejeaddji: Geir Tore Holm  
Gárvoplánen: Bihtošoabbá Helme/Helmi Hagelin  
Jietnaplánen: Jari Niemi  
Čuovgaplánen: Øystein Heitmann 
Koreográfa: Auri Ahola
Vuoiddashábmejeaddji: Kateryna Vodiana 
Libretto rávvejeaddji: Oda Radoor 
Bagadalli assisteanta: Ánna-Katri Helander

Rollain:
Emil Kárlsen 
Ánne Máddji Heatta 
Sara Margrethe Oskala
Ánndaris/Anders Rimpi
Niko Valkeapää
Sanna Iljin 
Martin Iivarinen
Aki Saarela
Ville Hummastenniemi 
Henri Uusitalo 
Eevi Jomppanen
Sandra Kaisto
Jooa Labba
Mariella Labba
Joose Rasmus
Elle-Sofia Valkeapää