Sámi násttit Ovllá-opera solistan

Ođđajagimánu 2026 Ovllá-opera máilmmi vuosttaščájálmas buktá Oulu teáhtera stuora lávddi nala sámi servošis beakkán, muhto Suomas hárve oidnojuvvon lávluid.    

Oulu teáhtera Ovllá-opera váldorollaide leaba válljejuvvon Emil Kárlsen (Ovllá) ja Ánne Máddji Heatta (Ánná). 

”Operai leat čállojuvvon čieža solistarolla, main vihtta sámi lávluide. Solisttaid ohcan dahkkui riikkaidgaskasaččat, ja lea earenoamáš illu beassat čállojuvvon duoji bakte loaiddastit sámi servošis beakkán, muhto Suoma lávddiin hárve oidnojuvvon lávluid”, muitala teáhtera dáiddalaš jođiheaddji Alma Lehmuskallio. 

Emil Kárlsen Omasvuonas lea bálkkašuvvon ja árvvus adnon musihkar, nuohttačeahppi, buvttadeaddji ja neavttár. Son čállá musihka ja lávlu davvisámegillii. Guokte studioálbuma olggosaddán Kárlsen lea vuoitán máŋggaid dovddastusaid, dego Arctic Talent -bálkkašumi (2021), Riddu Riđu Jagi nuorra dáiddár -bálkkašumi (2019) sihke Sámedikki mieđihan Giellaloktenbálkkašupmi (2023). 

“Kárlsen válljejuvvui opera Ovllá-rollii su litna lávlunjiena ja viiddes dáiddalaš máhtus vuođul”, muitala opera nuohttačeahppi Cecilia Damström. 

Kárlsen lea bidjan nuohta visot luđiide, mat gullojit Ovllá-operas, ja mat ráhkadit mearkkašahtti musihkalaš vuolggasaji nuohttačeahppi Damströmii. Kárlsena luođit suddet oktii nuhttii dan guovddáš oassin ja gudnejahttet sámi kulturárbbi ja buktet dan jiena opera oktasaš musihkalaš olggosbuktima oassin.   

Neavttárin Kárlsen lea loaiddastan máŋggain Sámi álbmotteáhter Beaivváža buvttadusain, dego Guovžabivdi Ol Tomså (2023) ja Mikael Niemi Karhun keitto –romána mielde dahkkon Guovžža vuoššat (2021), mas neavttadii Jusse. Son jotkkii Jusse rollas maid Disney+ televišuvdnaráiddus To Cook a Bear (2024). 

Ánne Máddji Heatta (r. 1983) lea sápmelaš lávlu-lávlladahkki, gii lea almmustuhttán soloálbuma  Dobbelis (2010), mii ovttastahttá árbevirolaš luđiid ja sámi popmusihka. 

“Ánne Máddji Heatta válljejuvvui opera nissonváldorollii Ánnán olggosbuktindáiddus dáfus litna ja máŋggabeallásaš lávlunjienas geažil”, govvida Damström. 

Romssas orru Heatta gárvánii doavttirin musihkkakarriearas olis ja lea bargan jagi 2012 rájes doavttirin. Dál son ávvuda iežas máhccama musihka ollái. 

“Go ožžon dán operafálaldaga, livččen sihke jierásnuvvan ja miholaš, inge háliidan guođđit dán dilálašvuođa geavakeahttá. Lea stuora gudni beassat dahkat rolla Emil Kárlsena bálddas ja seammas dat lea maid veaháš balddihahtti, daningo in leat bargan operain ja teáhteriin ovdal”, Heatta muitala. 

Eará rollain Ovllá eadnin gullat Sara Margrethe Oskala, Ovllá áhččin Ánndaris/Anders Rimpi, boartafáktan ja Lemehin Niko Valkeapää, internáhta nissonhoavdan sopránon lea Sanna Iljin ja interneahta oahpaheaddjin ja Kauko rollas lea bássa Martin Iivarinen. Dasa lassin musihkalaš duojis loaiddastit oululaččaide oahpes tenora Aki Saarela, Oulu ámmátallaskuvllas tenora Ville Hummastenniemi sihke máŋggalogi heakka goarra ja mánnáloaiddasteaddjit.  

Ovllái lea bidjan nuohta Cecilia Damström ja luđiid Emil Kárlsen. Libreto lea čállán Juho-Sire/Siri Broch Johansen. Opera bagadallá máŋggain musikála- ja operabuvttadusain máidnojuvvon Heta Haanperä ja jođiheaba Oulu Sinfonia badjekapeallameašttir Rumon Gamba ja Luosto soi! -festivála dáiddalaš hoavda Aku Sorensen.  

Produkšuvnna guossástalli plánejeaddjin doibmet sápmelaš dáiddárat: lávdehábmejeaddjin Geir Tore Holm, bivttasplánejeaddjin Bihtošoabbá Helme/Helmi Hagelin ja čuovgaplánejeaddjin Øystein Heitmann. Opera jietnaplánema ovddasvástideaddji lea Oulu teáhtera Jari Niemi. 

Oulu lea Eurohpá jagi 2026 kulturoaivegávpot. Ovllá gullá Oulu2026-kulturprográmmii ja kulturdálkkádatrievdamii.