Ovttageardán sáhttá leat stuoris

Bárus bárrui – Aallosta aaltoon -čájáhusollisvuohta ságastallá teáhtera siskkáldas ja almmolaš birrasiin

Fáttát, mat badjánit Ovllá-operas, njuohtahuvvet Oulu teáhtera stuora lávddi loktaorodansadjái Bárus bárrui – Aallosta aaltoon lea čájáhusollisvuođas 18.1. –28.2.2026. Čájáhusa lea plánen Ovllá lávdehábmejeaddji Geir Tore Holm. Duojis sámi kultuvra, Sápmi, sápmelaččaid historjá ja dáidagat gulahallet modearna arkitektuvrrain.

Nils-Aslak Valkeapää/Áillohačča (1943–2001) rolla sámi dáidaga ovddideamis lea leamaš mearkkašahtti. Dát gieđahallojuvvo Ovllá álggus, go lávdái sáhcasa dáhpáhus Áillohačča ordnen Davvi Šuvva -festiválas jagi 1979 Gárasavvonis.

Maid Geir Holmin dáidagis Áillohačča bálggesčuolli barggus lea iežas earenoamáš váikkuhus. Teáhtera lásefasadii vuođđuduvvá Áillohačča movttiidahttin Mosaic foil -duodji, man álgovuođđu boahtá dáiddára Stuoravuona Ivgubahtii huksehan Lásságámmi-dálu sishábmema ráktogovvosiin. Ivdnás ja abstrákta duodji ságastallá orodansaji siskkáldas ja teáhtera olggobeal almmolaš birrasiin.

– Lea miellagiddevaš buktit oalle unna ja olmmošlaš elemeantta dáiddára resideanssas ja stuorrudit dan dáinna lágiin stuora mihtuide, Geir Holm muitala.

Sadji duoji oassin

Geir Holm máhccá mielastis boddii, mas son bođii vuosttaš geardde meara nala duddjojuvvon Oulu teáhterdállui. Huksehussan teáhter ovddasta ebmos arkitektuvrra sihke olggobealde miljea meara guoras ja siste. Sissajiin lea rukses ivnni buktin liekkas, ja loktaorodansajis olggos leat áibmadas oidnosat.

– Sadjin orodansajis vuoiŋŋasta vuordima ja gealdagasvuođa dovdu. Olbmot bohtet deike muosáhit, ahte juoga dáhpáhuvvá ja sii háliidit oassálastit man nu earenoamážii, Holm hábme.

Holm oaidninvuogis orodansadji lei hui buresdoaibmi sadji, masa lea álki govahallagoahtit dáiddalaš intervenšuvnna. Sadjái sáhttá buktit elemeanttaid, mat viiddidit dan mearkkašumi. Dáiddárii lea dehálaš ovttastahttit barggustis báikkiid ja sajiid. Lihkká dujiid guovddážii loktana dárbu ovttastahttit olbmuid nuppiidasaset.

Váibmosis ovttageardánvuohta

Geir Holm bargama váibmosis lea ovttageardánvuohta, mii boahtá sámi duogážis. Dáiddár háliida gávdnat vugiid, main ovttageardán elemeanttat bohciidahttegoahtit ođđa mearkkašumiid ja materiálat, mat leat juo leame, gaskkustišgohtet sierralágán muitalusaid.

Son sávvá, ahte čájáhusa galledeaddjit sáhttet oaidnit saji earáhuvvan binnánaš. Vaikko sadji ii iešalddes leat beare lunddolaš ja oba sullo lea olmmoš huksen, de dujiidisguin son sávvá buktit dohko binnáš biekka, eatnama, beaivváža ja mánu:

– Soaitá jur dát goanstadahkkon biras vuodjá mu mielavuložis hállui doalvut muosáheddjiid stuorit, loahpahis ja agálaš dillái.

Geir Tore Holm čájáhus Bárus bárrui – Aallosta aaltoon lea rabas Oulu teáhtera loktaorodansajis čájálmasaid olis gehččiide 18.1.–28.2. sihke eará álbmogii gaskavahkus bearjadahkii d. 12–17 (spiehkastagat ja dárkkit dieđut teáhtera neahttasiidduin). Friddja beassan.